A idea de formar un clube de montaña xurdiu no verán de 1996 entre un pequeno grupo de amigos, non todos de Parada de Sil, despois de descender o Barranco do Río Mao (levaba pouca auga), pasando dificultades e ser uns atrevidos, esta experiencia motivounos a coller interese por todo o relacionado co montañismo e sobre todo polo que tíñamos no noso concello de Parada de Sil o centro da Ribeira Sacra e do Canón do Sil, cunhas grandes posibilidades de facer: Sendeirismo, Escalada e Barranquismo e dar a coñecer toda esta paisaxe, a veces un pouco salvaxe. Decidimos que a mellor forma era fundar un clube de montañismo.
Despois de tódolos tramites oficiais o día 15 de Xaneiro de 1997 xa estaba legalizado e comezamos o ano facendo pequenas actividades. O principio fomos poucos.
No Outubro fixemos a primeira saída a Asturias. O ano seguinte asistimos a primeira actividade da Federación, eramos 5, foi nos Ancares, en Becerreá, na Serra de Calamouco, foi o primeiro contacto con montañeiros de Galiza e xa nos metemos nese mundo do montañismo cos primeiros intercambios con membros de outros clubes, foi moi positiva, xa que nos, non tiñamos experiencia na montaña
Logo foron as saídas internacionais. E xa empezamos a afianzarnos no montañismo Organizamos probas Autonómicas na nosa zona para dala a coñecer :
Clube de Montaña Ribeira Sacra
Todos os dereitos reservados, Febrero 2008
